Ministrja e Shtetit për Marrëdhëniet me Parlamentin, Elisa Spiropali ka marre pjese ne konferencen e nivelit te larte te organizuar nga ministria e Jashtme austriake, ne kuader te 10 vjetorit te Planit te Veprimit te OKB per sigurine e gazetareve.
Spiropali ne fjalen e saj tha se eshte jetike lufta kunder dezinformimit. Sidomos ne kete situate.
“Momente nga Konferenca e Nivelit të Lartë organizuar nga Ministria e Jashtme e Austrisë në bashkëpunim me OHCHR dhe UNESCO në kuadër të 10-vjetorit të Planit të Veprimit të OKB-së mbi Sigurinë e Gazetarëve.
Në fjalën time evidentova se sistemi ynë i vlerave demokratike është tronditur e garancitë tona janë thyer nga lufta brutale dhe e paprovokuar e Rusisë kundër Ukrainës dhe se ne duhet të njohim, më shumë se kurrë, rëndësinë thelbësore dhe sakrificën ekstreme të gazetarëve dhe mediave në kohë konflikti.
Në vijim theksova se dezinformimi njihet globalisht si shkatërrues për funksionimin normal të shoqërive, ekonomive & sistemeve politike demokratike, ndaj ekziston një nevojë jetike për të zhvilluar mjete për të mbrojtur në mënyrë më efektive demokracinë nga “armët kundër informimit”, duke ruajtur lirinë e shprehjes dhe lirinë e medias si shtylla të shoqërive tona”, reagon Spiropali./m.j
