I njohur me nofkën “Spidermani francez”, Alain Robert performoi ngjitjen ekstreme në kullën “LA defenese’ në Paris. Roberti është ngjitur në mbi 100 ndërtesa në mbarë botën përfshirë këtu ndërtesën New York Times në Nju-Jork dhe Burj al Khalifa në Dubai e cila është edhe rroka qielli më i madh në botë. Roberti këtë ngjitje e bëri me qellim të rritjes së vetëdijesimit për problemin e rënies së flokëve.
“Dita për vetëdijesimin kundër rënies së flokëve kuptohet që nuk është edhe aq e rëndësishme kur gjatë këtyre ditëve u arrestua truri i sulmeve të 13 nëntorit në Paris”, tha Alain Robert.
Nëpunësit e zyrave për rreth e shikonin çuditshëm francezin 53 vjeçar që po ngjitej në majën e rroka qiellit. Më pas Roberti nga policia lokale u shoqërua në stacionin e policisë ku u mor në pyetje, gjë me të cilën tashmë Spidermani francez është mësuar.
Dita e rënies së flokëve shënohet në Francë çdo 24 mars, ideja është sjellë nga një kompani farmaceutike që prodhon produkte për të luftuar rënien e flokëve.
