Një ndeshje spektakolare, më e bukura deri tani në Abissnet Superiore e ndoshta do të mbahet mend gjatë gjithë këtij sezoni. Në “Loro Boriçi”, Vllaznia dominon dhe shkëlqen me fitoren e thellë 6-3 ndaj Dinamos në një ndeshje ku shkodranët treguan forcën dhe karakterin edhe pse fitorja u vu në diskutim në disa momente.
Spektakolare nisi sfida teksa Ibraimi shënoi që në minutën e pestë duke i dhënë avantazhin miqve.
E menjëhershme përgjigja e Vllaznisë me Diagne me kokë në 16’ teksa ne 35’ ishte Gjurgjeviç që I dha avantazhin ekipit të Brdariç që përmbys rezultatin brenda fraksionit të parë.
Pjesa e dytë nis vrullshëm serish për Vllazninë ku Latifi i papërmbajtshëm jep asist dhe shkodranët shënojnë me Aralicën por Dinamo merr një penallti të diskutueshme dhe Ibraimi 67’ rihap ndeshjen.
Nuk ka fund spektakli pasi Aralica shënon sërish në 70’ e pas 2 minutash i përgjigjet Dinamo që shënon me Skukan.
Për të vulosur ndeshjen mendon Jonuzi me një perlë nga jashtë zone që vendos dhe rezultatin 5-3 ndersa Mustedanagic shenon edhe golin e 6 për Vllazninë që ngjitet në renditje në kuotën e 9 pikëve.
