“Spectre 007” hyn menjëherë në rekordet Guiness

Filmi më i ri i James Bondit “Spectre” ka thyer një rekord në Librin Guiness për shpërthimin më të madh të eksplozivit. Shpërthimi i filmuar në Erfoud të Marokut, në muajin qershor, për të cilin ishin përdorur 8418 litra lëndë djegëse dhe 33 kilogram eksploziv, është shpërthimi më i madh i krijuar në një film, shkruan BBC. Producentja e filmit, Barbara Broccoli dhe yjet e filmit Daniel Craig dhe Lea Seydoux, që ishin paraqitur në skenë, pranuar certifikatën e rekordit , transmeton Koha.net. Efektet speciale në këtë film janë bërë nga fituesi i çmimit Oscar, Chris Corbould.