Partia Socialiste prezantoi një ditë më parë kandidatët e saj që do të garojnë për zgjedhjet lokale të 30 Qershorit.
Nën siglën e koalicionit ASHE, emrat e përzgjedhur nga kryesia e selisë rozë do të tentojnë të mbajnë bashkitë aktuale, por edhe të marrin bastionet e së djathtës apo të LSI-së.
JavaNews.al ka arritur të zbardhë shumicën e profesioneve dhe arsimimit të kandidatëve socialistë. Sikurse edhe në Parlament, për bashkitë e vendit dominojnë juristët, ekonomistët, mjekët dhe ushtarakët. Këta të fundit shpesh të pakënaqur me arsimimin e tyre, kanë kryer një fakultet të dytë.
Pas një hulumtimi, JavaNews.al vuri re se një pjesë e mirë e emrave që rikandidojnë nuk i kanë pasqyruar CV-të e tyre për publikun. Bëhet fjalë për rastin e Tërmet Peçit (Tepelenë), apo Gjon Gjonit në Pukë etj.
Megjithatë, më poshtë po publikojmë arsimimin e shumicës së kandidatëve të Aleancës për Shqipërinë Europiane.
***
Elbasan Gledian Llatja – Diplomuar Fakultetin Juridik në vitin 2009 dhe më pas në universitetin ‘Aleksandër Xhuvani’, në Elbasan, për Financë
Belsh Arif Tafani – Pas përfundimit të shkollës në Institutin e Lartë Bujqësorë, mori titullin Agronom i Lartë
Librazhd Kastriot Gurra – Universiteti i Tiranës, Fakulteti i Drejtësisë Dega Juridik
Përrenjas Nuri Belba – Universiteti i Elbasanit “Aleksandër Xhuvani”, Fakulteti i Ekonomisë, dega Financë-Kontabilitet
Fier Armando Subashi – Fakulteti i Drejtësisë, Universiteti i Tiranës
Lushnjë Fatos Tushe – Fakulteti i Inxhinierisë Mekanike, dega Makineri në vitin 1994; ka kompletuar studimet në Fakultetin e Drejtësisë, Universiteti Tiranës (2009)
Divjakë Fredi Kokoneshi – Fakulteti i Forcave Tokësore pranë Akademisë Ushtarake “SKËNDERBEJ
Patos Rajmonda Balilaj – Ka kryer studimet Master në Administrim Publik, pranë Universitetit Mesdhetar të Tiranës dhe në vitin 1989 ka përfunduar studimet universitare pranë Fakultetit Ekonomik, dega Financë, Universiteti i Tiranës.
Roskovec Majlinda Bufi – ka mbaruar studimet për Inxhinieri Ndërtimi pranë Universitetit Politeknik të Tiranës ne degen Inxhinieri Ndertimi dhe me pas perfundoi studimet ne Politika Agrare pranë Universitetit Bujqësor të Tiranës në vitin 2005.
Gjirokastër Flamur Golemi – Diplomuar për Mjekësi të Përgjithshme në vitin 2002 në Fakultetin e Mjekësisë në Tiranë.
Këlcyrë Klemend Ndoni – Administrim Biznesi, Master Niveli II per Ekonomi me Zhvillim te Qendrueshem.
Shkodër Valdrin Pjetri – Ka përfunduar studimet e larta në Fakultetin Ekonomik, Dega Financë të Universitetit të Tiranës dhe Master të Nivelit të Dytë, për Lidership dhe Menaxhim. Diplomë në “Kursi i Lartë i Sigurisë dhe Mbrojtjes Kombëtare”.
Malësi e Madhe Tonin Marinaj – Universiteti “Luigj Gurakuqi“ – Shkodër, Dega Biokimi.
Krujë Artur Bushi – Universiteti i Tiranes, Dega Histori.
Lezhë Pjerin Ndreu – Shkolla e Lartë e Ministrisë së Brendshme dhe Fakulteti i Drejtësisë Tiranë
Mirditë Ndrec Deda – Fakulteti i Kulturës Fizike “Vojo KUSHI” në Tiranë
Berat Ervin Demo – Studime doktorale në Itali dhe në Mbretërinë e Bashkuar.
Tiranë Erion Veliaj – Studimet e larta në SHBA, ku është diplomuar për “Shkenca Politike” në Grand Valley State University, Michigan. Më pas, ai përfundoi studimet Master në Mbretërinë e Bashkuar pranë University of Sussex, me fokus tek Integrimi Europian.
Kamëz Rakip Suli – Studime në Fakultetin e Drejtësisë dhe studimet master për të “Drejtën Private dhe Biznes”. Universiteti i Shkodres.
Rrogozhinë Haxhi Memolla – Universiteti Bujqësor i Kamzës, dega Inxhinieri Agrare.
Korçë Sotiraq Filo – Diplomuar në Fakultetin e Inxhinierisë Elektrike, Dega Elektronikë.
Kolonjë Erion Isai – Aktor
Maliq Gëzim Topçiu – Ka kryer studimet e larta në Institutin e Lartë Bujqësor Korçë.
Pogradec Ilir Xhakolli – Universitetin e Tiranës, Fakulteti Ekonomik, dega Financë.
Kukës Safet Gjici – Akademia e Policisë “Arben Zylyftari”.
Dibër Dionis Imeraj – Diplomuar në Fakultetin e Ekonomikut dega «Menaxhim Biznesi » master “Financë dhe Menaxhim Risku”
Vlorë Dritan Leli – Fakulteti i Mjekësisë, në Universitetin e Tiranës. Ka marrë gradën Doktor i Shkencave në universitetin e mirënjohur “La Sapienza” të Romës.
Konispol Shuaip Beqiri – Ka përfunduar Fakultetin e Mjekësisë në vitin 1991.
Sarandë Ardian Gurma – Ka përfunduar studimet e larta në Fakultetin e Mjekësise në Tiranë, dega Mjekësi e Përgjithshme gjatë periudhës 1992-1998 dhe ka kryer specializim pranë Departamentit të Imazherisë si Mjek Imazherist (Radiolog).
Himarë Jorgo Goro – Shkolla ushtarake “Skënderbej”. Mbaron studimet e larta në Degën “Menaxhim Biznesi”, Universiteti “Ismail Qemali”, Vlorë. Studime Master ne “Menaxhim Biznesi” Universiteti “Marin Barleti”, Tirane.
(JavaNews / Ardit Rada)
