Shqipëria do duhet të përmbush, si fillim 15 kushte, me qëllim avancimin e hapjes së kapitujve për t’u anëtarësuar në Bashkimin Europian.
Ky ishte dhe fokusi i diskutimit të komisionit të jashtëm të Parlamentit Evropian ditën e sotme. Ndërsa lidhur me këtë çështje ka folur dhe avokati Spartak Ngjela mbrëmjen e sotme në Ora neës.
“15 kushtet janë esenciale dhe ato duhet të zbatohen. Përsa i përket prishjes së teatrit çfarë kushti mund të jetë? Gabohemi në objekt.
Ai u prish. Hetimi është çështje e reformës në drejtësi. Nuk përfaqëson kusht ai. Nuk janë vendime të asamblesë, janë vendime të grupeve të ndryshme parlamentare.
Është dhe ai i Partive Popullore që i çojnë ata që nuk dinë të bëjnë opozitë. Flasin broçkulla gjithë ditën.
Në esencë është kjo që Shqipëria nuk i plotëson kushtet që të hyjë në BE, por është presioni amerikanë që e do në BE dhe politika amerikane e tha hapur tani që ne jemi të interesuar që Shqipëria të jetë në union.
Derisa e thanë hapur atëherë është politikë e tyre. Siç janë vendosur do të vijojnë të vendosen kushte sepse Shqipëria është një qeverisje me probleme në funksion të demokracisë dhe të drejtave të njeriut.
Këtu ende nuk është garantuar vota e lirë. Si mund të hysh në BE”, tha Ngjela.
