Ish-deputeti i Partisë Socialiste, Spartak Braho vlerësoi punën e kryetarit të Bashkisë së Tiranës, Erion Veliaj, të cilin e cilësoi si një “buldozer politik” në drejtimin e bashkisë më të madhe në vend. Ai tha se Veliaj ka tranformuar tërësisht kryeqytetin.
“Unë e kam vlerësuar Erion Veliaj për aktivitetin e tij si drejtues i bashkisë 1 milionëshe më të madhe shqiptare për punën e tij. E kam cilësuar buldozer politik dhe drejtues serioz dhe i suksesshëm. Ka mbajtur një peshë dhe realisht e ka transformuar Tiranën. Madje kam thënë më herë që Erion Veliaj është ai që do të zëvëndësojë Edi Ramën”, tha Braho i ftuar në emisionin Dekalog në Dritare TV.
Ai shtoi se çështja e Veliajt është politike, pasi është goditur numri 2 i Partisë Socialiste. “Ë̈shtë politike sepse ke goditur nr.2 të Partisë Socialiste ose një nga personalitetet e PS”, tha Braho.
