Një shqiptarë është gjetur i ekzekutuar me një plumb në kokë në Spanjë. Trupi i pajëtë i shqiptarit është gjetur në breg të lumit Guadalentin në rajonin e Totana-s. Sipas mediave spanjolle trupi i shqiptarit kishte shenja të shumta dhune ndërsa ishte shpallur i zhdukur të hënën që lamë pas në Mazarron, ku prej vitesh punonte në lokalet e natës në këtë zonë.
Policia spanjolle ka zbuluar krimin në fjalë vetëm pas një telefonate të një banori të zonës, i cili i njoftoi autoritetet për një makinë të dyshimtë pranë lumit Guadalenti e cila nuk kishte lëvizur që nga dita e hënë.
Pas shqyrtimit të vendngjarjes policia spanjolle ka nisur hetimet për zbardhjen e plotë të këtij krime dhe kanë dyshime të forta se bëhet fjalë për një hakmarrje bandash. Ndërkohë ende nuk dihet nëse vrasësit e kanë kryer krimin në ndonjë vend tjetër apo kanë patur një takim me viktimën në këtë zonë dhe më pasë e kanë ekzekutuar. Mediat spanjolle shtojnë se viktima mund të jetë ekzekutuar për shkak të prishjes se pazareve të drogës.
/a.meta
