Është arrestuar sot në mëngjes Igor Seoane, administratori i sitit streaming Rojadirecta. Platforma, e hapur më 2005 dhe e ndjekur nga shumë të apasionuar pas futbollit e sporteve të tjerë në gjithë botën, ka përfunduar në qendër të hetimeve pas denoncimeve të bëra nga disa Pay TV (sidomos Canal +) për dhunim të të drejtave të autorit. Sipas disa vlerësimeve, shoqëria që mban sitin faturon rreth dy milionë euro në vit.
Në vitet e fundit, Rojadirecta është bllokuar disa herë, por gjithmonë ka ridalë, duke ndryshuar domein. Xhiroja e parave të sitit ka shkaktuar ndërhyrjen e gjykatës. Sot në mëngjes, Seoane u paraqit në gjykatën e La Korunjës dhe iu komunikua masa e arrestit. Por, disa burime gjyqësore kanë bërë të ditur se arrestimi nuk kishte lidhje me hetimin që po kryhet prej disa muajsh.
CM/d.i.
Spanjë, arrestohet administratori i sitit streaming Rojadirecta
