Madridi shfaqi sot mosaprovimin e tij lidhur me vizitën e kryeministrit britanik, David Cameron në enklavën britanike të Gjibraltarit, në jug të Spanjës, për të kryer fushatë kundër Brexit.
Cameron u prit rreth pasdites në enklavë, sovraniteti i së cilës kontestohet nga Spanja, vizita e parë në këtë vend e një kreu të qeverisë britanike në një hark të gjatë kohor përafërsisht 50 vjeçar, prej vitit 1968.
Ky territor i vogël prej 7 km2 në një zonë strategjike mes Evropës dhe Afrikës, në hyrje të Mesdheut mbetet një prej zonave strategjike që pretendohet nga të dy shtetet.
Vizita e David Cameron në territorin me 33.000 banorë në Gjibraltar vë theksin tek sovraniteti britanik që Spanja e konteston, edhe pse Cameron do të jetë i pranishëm aty për të folur për pasojat e mundshme të Brexit drejtuar banorëve, nëse nuk do të ishin më pjesë e Bashkimit Evropian do të shfaqeshin probleme për të udhëtuar në Spanjë.
