Ambasadori i Spanjës në Serbi Miguel Fuertes në Beograd ka deklaruar se Madridi zyrtar nuk e ka njohur Kosovën dhe se këtë qëndrim do ta mbajë edhe në të ardhmen, transmeton Koha.net.
Këto fjalë ambasadori spanjoll në Beograd i tha pas takimit me të ashtuquajturin drejtor të Zyrës së Kosovës Marko Gjuriç, njofton b92.
Gjuriç, nga ana e tij e falënderoi Spanjën për “ndihmën që Serbisë ia ka dhënë në ditët më të vështira” duke përmendur, me këtë rast, edhe “projektet e përbashkëta Serbi – Spanjë për Kosovën”. (b.an)
