Avokati Arbër Hoxha thotë se në vërtetohen se informacionet e Gazment Bardhit për dosjen “Xibraka”, janë të pasakta apo të rreme, kreu i Grupit Parlamentar të Partisë Demokratike rrezikon dënim.
Në një intervistë për “Ora e Fundit” në ABC News, Hoxha u shpreh se Bardhi u kujdes që në SPAK të referojë informacion dhe jo kallëzim të rremë.
“Që në krye të herët, zoti Bardhi u kujdes të mos kishte të njëjtin fat si Salianji. SPAK-ut iu referua me një term, i cili nuk është ligjor, me informacion. Kallëzim apo informacion, dosja nuk plotëson kushtet formale të një kallëzimi. Në fund të procedimit, nëse nuk verifikohen, të dhënat apo informacionet janë të pavërteta, Bardhi rrezikon të njëjtin fat në dukje, nëse kemi të bëjmë me kallëzim të rr emë. Nëse ka kallëzim të rremë, mund të dënohet zoti Bardhi. Rrezikon gjobë apo dënim deri në 3 vite. Të shohim si do të shkojë deri në fund edhe fati personal i zotit Gazment Bardhi”, theksoi ai.
