Akuzohen se mbushën disa zona të Skraparit me drogë, grupi prej 23 personash, janë marrë zyrtarisht të pandehur nga SPAK. Organi i akuzës ka mbyllur hetimet dhe ka dorëzuar dosjen në gjykatë. 23 të pandehurit akuzohen për veprat penale “Kultivim i bimëve narkotike dhe “Grup i strukturuar kriminal”.
Mes tyre janë Neritan Naska, ish-shefi i postës policore të Poliçanit, Klement Zeqo, Bardhyl Çela, Astrit Duro me detyrë punonjës policie dhe kryeplaku i fshatit Çorrogjafë në Berat Fatos Lamaj. Ish-shefi i postës policore të Poliçanit ishte caktuar nga Policia e Shtetit, për të kontrolluar territorin dhe parandaluar kultivimin e drogës në zonën e Skraparit. Ndërsa Astrit Duro akuzohet e ka dekonspiruar operacionet e policië në lidhje me asgjësimin e lëndëve nakotike.
Uniformat blu gjatë kontrolleve që kanë ushtuar në disa zona të Skraparit sekuestruan 5045 rrënjë kanabis, 176 kg e paketuar, gati për shitje, gjithashtu, sekuestruan edhe 28 parcela të mbjella me lëndë narkotike. Në parcela ishin ngritur impiante vaditjeje, vende qëndrimi dhe vendstrehime për punonjësit që punonin në këto parcela dhe gjithë infrastruktura e nevojshme për këtë aktivitet kriminal.
Në dosjen hetimore të SPAK thuhet se punonjësit e policisë njoftonin trafikantët për kontollet që do të kryheshin dhe trafikantët brenda natës shkulnin kanabisin. Kur uniformat blu shkonin për kontoll ata nuk gjenin asgjë vetëm gropat bosh edhe pse kishin informacion të saktë se ku ishin parcelat me kanabis pasi ishin të fotografuara nga Guardia di Finanza. Gjithsej SPAK ka të dokumentuar 16 episode, duke filluar nga 20 Gushti 2020 deri më 17 Shtator 2020.
/a.r
