Gjykata e Lartë ka revokuar vendimin e pushimit të çështjes ndaj Fatmir Mediut, ndërkohë që ka deklaruar moskompetencë dhe ja ka kalur Gjykata së Posaçme për Korrupsion dhe Krim të Organizuar.
Janë ndryshimet kushtetuese të reformës në drejtësi ku thuhet se “deputeti nuk ka më imunitet parlamentar për ndjekjen penale ndaj tij, për hetimin apo për gjykimin e tij” që ia mundësuan SPAK rihapjen e hetimeve ndaj zotit Mediu.
Rihapja e hetimit për rolin që ish ministri i mbrojtjes Fatmir Mediu kishte në tragjedinë e Gërdecit është një hap i parë. Zbardhja e të vërtetës që mbeti e fshehur në tragjedinë e gërdecit, është jashtëzakonisht e nevojshme për të kthyer besimin e shqiptarëve tek drejtësia.
Ndërkohë pyetja që kanë të gjithë në këtë moment, është, se a do ti shkohet deri në fund rrugës së nisur.
Në tragjedinë e Gërdecit u përmenden disa emra, një prej të cilëve edhe Shkëlzen Berisha. Ai u përmend gjerësisht si një nga personat e përfshirë në aferën e Gërdecit. Por a do shkojë drejt tij Drejtësia e re. Kjo mbetet për t’u parë.
/a.r
