Partia Demokratike vijon akuzat ndaj ministres Belinda Balluku se ka përdorur lejet e legalizimeve për të blerë votat e qytetarëve. Kreu i FRPD, Belind Këlliçi në një deklaratë për mediat, tha se ajo ka mbledhur të dhënat e banorëve të zonës për qëllime elektorale.
“Shtabi elektoral i Belinda Ballukut, me në krye drejtuesen e shtabit, Laureta Omeri mbledhin të dhënat e banorëve të zonës elektorale të Belinda Ballukut për të kryer legalizimin para zgjedhjeve. Ky është përdorim i burimeve shtetërore për qëllime partiale dhe elektorale dhe ndëshkohet me burg. Në këtë bisedë ka detaje të ndërtesave dhe adresave përkatëse për të cilat shtabet elektorale të Partisë Socialiste urdhërojnë legalizimin e menjëhershëm para zgjedhjeve, në këmbim të votës. Aty dalin në pah hartat e banesave, emrat e punonjësve të administratës publike në vënë në shërbim të kësaj skeme kriminale të blerjes së votës, emrat e votuesve, por edhe shumë informacione të tjera.”
Këlliçi tha se PD ka dorëzuar dosjen në SPAK për Ballukun, duke e akuzuar për shpërdorim detyre dhe grup të strukturuar kriminal, që prej datës 12 prill. Ai bëri thirrje nga organet e drejtësisë të kryejnë detyrën, duke hetuar krimet zgjedhore.
“Heshtja e deri më sotme e Spak dhe e prokurorisë për hetimin e këtij krimi zgjedhor, të depozituar javë më parë nga PD, është tregues i qartë se strukturat që kanë për detyrë të hetojnë këto krime nuk po e kryejnë misionin e tyre. Sot Prokurori i Përgjithshëm dhe Drejtuesi i SPAK kanë përpara tyre një krim të dyfishtë, atë të vjedhjes së zgjedhjeve dhe atë të mosveprimit të organit të prokurorisë për të parandaluar e ndëshkuar krimet zgjedhore të provuara. Ky rast flagrant është një provë sesa të përkushtuar janë vërtëtë këto organe për të përmbushur detyrën e tyre, sic pret opinion publik shqptar dhe partnerët tanë ndërkomëbtarë.”
/a.r
