Deputeti i Partisë Demokratike Edmond Spaho vlerësoi punën e bërë nga Bashkia e Tiranës sa i takon çështjes së pastrimit të qytetit.
Gjatë mbledhjes së Komisionit të Ekonomisë, ku prezent ishte dhe kryetari i Bashkisë, Erjon Veliaj, Spaho preku dhe çështjen e kompanive të pastrimit, për të cilat kërkon të dijë se nëse ka ardhur koha që të hiqet fshesa në disa zona.
“Unë një pyetje kam për zotin Veliaj, paraprakisht dua të them që ka përmirësim në pastrimin e Tiranës, është i dukshëm, desha të dija nëse kompanitë e pastrimit do të investojnë në teknpologji, pluhuri që gjendet anës rrugëve duhet të presësh motin që të lahet, a ka ardhur koha që të hiqet fshesa në ato zona ku mund të hiqet?”, tha Spaho gjatë fjalës së tij.
g.kosovari
