Juristi Kreshnik Spahiu tha në një intervistë për Euronews Albania se nuk e kishte kuptuar kurrë se pse Foltorja votoi kundër Komisionit për Inceneratorët në kohën kur drejtohej nga Jorida Tabaku.
Ndërkohë tani, sipas tij nuk ka kuptim që të kërkohet e njëjta gjë, pasi Prokuroria ka avancuar me hetimet dhe s’mund të bëhet asgjë më shumë nga ç’ka bërë SPAK-u.
“Kur Jorida Tabaku drejtonte Komisionin Hetimor për Inceneratorët, Foltorja dhe Rithemelimi votuan kundra dhe kësaj i thonë pas pilafit kujtohen për të kërkuar të njëjtën gjë. Tani nuk vlerë. Pse nuk ka vlerë? Sepse ka avancuar Prokuroria në hetim, që do të thotë çdo procedurë hetimore, dëgjimore apo parlamentare nuk mundet të bëjë asgjë më shumë se atë që ka bërë SPAK-u.
SPAK-u i ka hyrë me themel, i ka hyrë nga llogaritë e zv. kryeministrit në Zvicër, te biletat e tre brezave të të dashurës së zv. kryeministrit. Parlamenti nuk i ka këto mekanizma për të hetuar, gjykuar dhe investiguar në themel një çështje kaq komplekse. Mund ta bënte këtë gjë kur e bëri Jorida Tabaku me aq mundësi sa kishte,” – u shpreh Spahiu./M.J
