Nuk ka surpriza as në qytetin juglindor. Korça i jep sërish besimin Sotiraq Filos edhe në votimet e 30 qershorit 2019.
Sapo ka përfunduar numërimi në këtë bashki të madhe dhe Sotiraq Filo merr kështu mandatin e dytë si kryebashkiak.
Nga 167 kuti të numërura, Filo ka grumbulluar 20831 vota kundrejt Leonard Ollit nga Bindja Demokratike që ka marrë 1759./l.m
Në përfundim të numërimit të votave, Filo tha se ai do të vazhdojë të punojë i përkushtuar për të gjithë banorët, pavarësisht bindjeve politike.
“Jam shumë i lumtur që banorët e Korçës të qytetit dhe të fshatit me kanë votëbesuar për një mandat të ri. Ishte e rëndësishme që zgjedhjet e 30 qershorit u zhvilluan të lira dhe të qeta, ku të gjithë qytetarët shprehën vullnetin e tyre. Pati edhe të tjerë që nuk morën pjesë në votime.
Falënderoj ata votues që zgjidhën të paraqiteshin në votime dhe të më votonin mua. Dëshiroj t’ju them atyre zgjedhësve që votuan kandidatin tjetër, apo atyre të tjerëve që nuk votuan unë do vazhdoj të punoj me përkushtim dhe për të gjithë banorët pavarësisht bindjeve të tyre. Besoj që kemi përmbyllur një mandat të suksesshëm për bashkinë e Korçës”, tha ia.
Filo foli edhe për fokusin e mandatit të ardhshë, që sipas tij do të jetë rritja ekonomike dhe punësimi.
“Kemi shumë punë tani, atë ndryshim që Korça ka njohur në këto 4 vite tashmë ti çojmë në projekte konkrete që do të japin një impakt në mirëqenin në çdo familje. Fokusi jonë në 4 vitet e ardhshme do të jetë rritja e ekonomisë dhe punësimit. Do të punojmë me përkushtim që transformimin ta çojmë tek tryeza e çdo familje”, deklaroi Filo.
g.kosovari
