Sot do të zhvillohet Samiti i Parisit që shënon rifillimin e dialogut mes të Kosovës dhe Serbisë.
Në këtë samit shteti I Kosovës do të përfaqësohet nga Kryeministri Avdullah Hoti, ndërkaq Serbia nga presidenti i saj Aleksandër Vuçiç.
Samiti do të mbahet përmes një vido konference dhe do të drejtohet nga Presidenti Emmanuel Macron dhe Kancelarja gjermane, Angela Merkel.
Dialogu ndërmjet Kosovës dhe Serbisë, me ndërmjetësimin e Bashkimit Evropian, do të rinisë më 12 korrik.
Sipas zëdhënësit të Bashkimit Evropian, Peter Stano, mikpritës i këtij samiti do të jetë Përfaqësuesi i lartë i BE-së, Josep Borrell në prani të të dërguarit të posaçëm për dialog, Miroslav Lajçak”.
Po sipas tij, Samiti I Brukselit ka për qëllim që të çojë përpara punën për marrëveshjen gjithëpërfshirëse për normalizimin e marrëdhënieve ndërmjet dy vendeve.
Mbajtja samitit të Parisit dhe dialogu në Bruksel vjen pas shtyrjes të një takimi ndërmjet Kosovës dhe Serbisë në Shtëpinë e Bardhë më 27 qershor.
Ky takim u shty pasi më 24 qershor, Zyra e Prokurorit Special njoftoi se u ka dërguar Dhomave të Specializuara të Kosovës, me seli në Hagë, një aktakuzë me dhjetë pika për shqyrtim, në të cilën presidenti Hashim Thaçi, kryetari i Partisë Demokratike të Kosovës, Kadri Veseli, dhe të tjerë akuzohen për krime kundër njerëzimit dhe krime lufte.
Dialogu, me ndërmjetësimin e Bashkimit Evropian, ka nisur në vitin 2011. Ky proces u ndërpre në fund të vitit 2018, për shkak të një takse të vendosur nga autoritetet kosovare ndaj mallrave të Serbisë.
Kjo masë më pas u zëvendësua me reciprocitet, por Qeveria e Kosovës në muajin qershor vendosi që të heqë masat e reciprocitetit, me qëllim që t’i jepet shans rinisjes së dialogut.
Shtëpia e Bardhë, më 4 tetor, 2019, emëroi Richard Grenellin, si përfaqësues të posaçëm të saj për procesin e dialogut ndërmjet Kosovës dhe Serbisë.
g.kosovari
