Kongresi i 40-të i Federatës Evropiane të Futbollit (UEFA), do të mbahet sot në Budapest të Hungarisë.
Në rend ditë është edhe kërkesa e Kosovës për pranim në shtëpinë më të madhe te futbollit evropian.
Tashmë edelegacioni i gjerë e Kosovës në përbërje, zyrtarë të shumtë nga Federata e Futbollit të Kosovës (FFK), dhe gazetarë te shumtë sportive, ndodhen në kryeqytetin e Hungarisë, ku nga afër do të përcjellin Kongresin e UEFA-së.
Nënkryetari i Federatës së Futbollit të Kosovës (FFK), Agim Ademi është i bindur se Kosova do të pranohet në UEFA.
Njeriu i dytë i FFK-së i ka thënë KosovaPress-it se FFK-ja ka punuar shumë për ndërkombëtarizimin e futbollit kosovar, dhe sipas tij, ka ardhur koha që edhe FFK-ja të jetë në shtëpinë e fu tbollit evropian.
“Optimizmi i jonë është i mirë, sepse kemi punuar shumë në këtë drejtim dhe besoj se puna që kemi bërë do të shpërblehet sot. Jam i bindur se 99 për qind Kosova do të jetë në UEFA”, ka thënë Ademi.
