Sot, më 5 Janar 2022, është afati i fundit që Komisioni i Rithemelimit të Partisë Demokratike i dalë nga Kuvendi i 11 Dhjetorit i Sali Berishës, i ka lënë kryedemokratit Lulzim Basha që të dalë nga zyra.
Më 23 Dhjetor 2021, nga selia blu Komisioni i Rithemelimit i kërkoi Lulzim Bashës që të dorëzojë detyrën dhe të lirojë zyrën e kryetarit të Partisë Demokratike.
Përmes një letre, që iu dërgua edhe kryedemokratit Lulzim Basha, këtij të fundit iu kërkua që të respektojë vullnetin e anëtarësisë së demokratëve që votuan në referendumin e 18 Dhjetorit.
Por Lulzim Basha reagoi po atë ditë duke injoruar këtë afat të vendosur.
Ndërsa, Komisioni i Përkohshëm i Rithemelimit të PD dhe Sali Berisha kanë paralajmëruar protestë përpara selisë së Partisë Demokratike të shtunën më 8 Janar në rast se Lulzim Basha nuk largohet nga zyra.
/a.r
