Inspektoriati Kombëtar I Mbrojtjes së Territorit kishte njoftuar se mesditën e sotme do të kryhet shembja e një objekti 5-katësh.
Bëhej fjalë për një ndërtim pranë Fakultetit Ekonomik në Tiranë. IKMT kishte njoftuar se në trupin e objektit ishin hapur 300 vrima ku ishte vendosur lëndë eksplozive.
Rreth orës 14:00 me shpërthim të komanduar është arritur shembja e pallatit. Nga shpërthimi nuk ka dëmtime në njerëz dhe shumë pak dëme materiale.
