Ditën e sotme shemben banesa të tjera në zonën e “5 Majit” në Tiranë. Banorët janë lajmëruar se do të ketë ndërhyrje, ndërsa pritet që nga momenti në moment të nisë shembja.
Banorëve të ‘5 majit’ në njësinë numër 4 të cilëve do u shembet shtëpia, u janë bashkuar për t’i mbështetur edhe banorët e njësisë numër 8. Përplasjet e para mes banorëve të zonës së ‘5 Majit’ dhe forcave të policisë kanë nisur. Banorët, banesat e të cilave pritet të shemben kanë pritur gjithë natën për të kundërshtuar shembjen e tyre. Përplasjet nisën nga një i ri i cili u doli para policëve për të kundërshtuar shembjen e banesës së tij.
Prej javësh banorët kanë protestuar kundër shembjes së banesave. Ata preken nga prjekti i ri i rindërtimit, por edhe unazës së madhe. Banorët kanë kërkuar transparencë se çfarë do të ndodhë me pronat e tyre.
Sakaq, protestës së tyre i janë bashkuar edhe banorë nga zona të tjera Kombinatit, Paskuqanit, dhe Laprakës, të cilët kanë të njëjtin fat. Në protestën e fundit para Kryeministrisë ata paralajëmruan përshkallëzim dhe madje grevë urie.
g.kosovari
