Pas pushimeve për festat e fundvitit, Parlamenti zhvillon sot seancën e parë plenare për këtë vit. Seanca mbahet në orën 17.00 dhe opozita pritet të jetë e pranishme në sallë. Edhe ky sesion pritet të nisë me tension mes mazhorancës dhe opozitës e cila ka paralajmëuar intensifikimin e aksionit opozitar që kulmon me protestën e 27 Janarit.
Edhe pse për momentin nuk lakohet fjala bojkot, zërat nga mazhoranca flasin për një marrëdhënie të kushtëzuar me parlamentin. Një skenar i mundshëm mund të jetë ai i bllokimit të senacave nga opozita duke uzurpuar foltoren siç ka ndodhur edhe në seanca të shkuara, për të mos lejuar kështu zhvillimin normal të seancave.
Ndërkohë, në mbeldhjen e Konferencës së Kryetarëve, opozita kërkoi dorëheqjen e kreut të Kuvendit duke akuzuar atë se “vuri në jetë ‘puçin kushtetues’ të organizuar nga Rama për zgjedhjen e Kryeprokurores”.
PD pritet të mbledhë sot edhe grupin parlamentar për të detajuar skenarin në parlament sot dhe në vijim, deri në mbajtjen e protestës./.a.m.
