Sot mbahet seanca e fundit parlamentare për këtë sesion. Në seancën e sotme ëhstë parashikuar edhe votimi i ndryshimeve në ligjin “për statusin e gjyqtarëve dhe prokurorëve”, i quajtur ndryshe ligji për magjistraturën.
Në ndryshimet e hartuara, synohet zëvendësimi i magjistratëve që janë ‘djegur’ nga procesi i Vettingut, duke vënë në kolaps disa gjykata, si Gjykata Kushtetuese dhe ajo e Lartë.
Ky ligj kërkon 84 vota të cilat mazhoranca nuk i ka dhe për këtë ka kërkuar konsensusin e opozitës. Nga ana tjetër, pakica politike e konsideron kthim pas dhënien e kompetencave KLD-së për emëriin e gjyqtarëve.
Po ashtu, në seancën e sotme janë parashikuar të hidhen në votim edhe ndryshimet në Kodin Rrugor dhe Kodin Ajror të cilat po ashtu kërkojnë shumicë të cilësuar.
PD ka një mbledhje grupi para seancës ku do të vendoset lidhur me skenarin që do të ndjekin sot në Kuvend, por ajo që është bërë me dije është se nuk do të votohet për projektligjet./a.m.
