Forcat speciale të policisë franceze janë duke bastisur aktualisht zonën St Denis të Parisit, 800 metra larg Stade de France, ku dyshohet se fshihet truri pas akteve terroriste të së mërkurës, Abdelhamid Abaaoud dhe Salah Abdeslam, për të cilin u tha se kishte ikur në Belgjikë.
Aksioni ka nisur në orën 4 të këtij mëngjesi dhe ka ende të shtëna.
Lajmet e fundit nga Parisi flasin për një grua kamikaze të hedhur në erë, si dhe dy terroristë të vrarë në një apartament, ku ishin të rrethuar. Aktualisht nuk ka asnjë njoftim nëse Abaaoud dhe Abdeslami kanë qenë në këtë apartament dhe nëse janë vrarë.
Media francez shkruan se terroristi i kërkuar gjendet në apartament, i rrethuar nga 100 policë, kur më parë mendohej se ai drejtonte aksionet terroriste nga Siria.
Dëshmitarët flasin për 15 minuta luftë, të rinisura gjysmë ore më vonë, si dhe për shpërthime.
Akualisht ka tre të arrestuar dhe katër policë të plagosur.
Edhe një kalimtar i rastit është plagosur, por fare lehtë, pa asnjë rrezik për jetën.
“Operacioni është drejt fundit:, tha për Radio Europe 1 ministrja e drejtësisë, Christiane Taubira.
Ndërkaq, kryeministri Manuel Valls dhe ministri i brendshëm, Bernard Cazeneuve, e ndoqën aksionin me presidentin François Hollande, në rezidencën e këtij të fundit.
