Kuvendi zhvillon sot seancën plenare ku në rend të ditës është parashikuar diskutimi i 4 projektligjeve dhe një dekret i Presidentit të Republikës.
Rendi i ditës do të nisë me disa ndryshime për dëmshpërblimin e ish të dënuarve politikë të regjimit komunist dhe ndryshimin për moshën e daljes në pension të pilotëve.
Ndryshime do të ketë edhe për Diasporën dhe në projektligjin për ratifikimin e Konventës shumëpalëshe (MLI) për zbatimin e masave për parandalimin e erozionit të bazës dhe transferimit të fitimeve (BEPS). Në fund, Kuvendi do të votoja edhe për dekretin “Për tregjet financiare të bazuara në teknologjinë e regjistrave të shpërndarë”, të kthyer nga Kuvend nga presidenti Ilir Meta.
Rendi i ditës:
1. Miratimi i procesverbalit të seancës plenare të datës 09.07.2020
2. Njoftimi i çështjeve të depozituara në Kuvend për shqyrtim
3. Projektligji “Për disa ndryshime dhe shtesa në ligjin nr. 9831, datë 12.11.2007, “Për
dëmshpërblimin e ish të dënuarve politikë të regjimit komunist”, të ndryshuar””.
4. Projektligji “Për moshën e daljes në pension pleqërie të pilotëve në Republikën e Shqipërisë”.
5. Projektligji “Për disa shtesa dhe ndryshime në ligjin nr. 16/2018 “Për diasporën”.
6. Projektligji “Për ratifikimin e Konventës shumëpalëshe (MLI) për zbatimin e masave që lidhen me
marrëveshjet tatimore për parandalimin e erozionit të bazës dhe transferimit të fitimeve (BEPS)”.
7. Dekret i Presidentit të Republikës nr. 11.518, datë 22.06.2020 “Për kthimin në Kuvend të ligjit nr. 66/2020 “Për tregjet financiare të bazuara në teknologjinë e regjistrave të shpërndarë””.
g.kosovari
