Italia dhe Gjermania do të ndeshen sot në mbrëmje në stadiumin “Meazza” në Milano, në një përballje që nuk e humbet etiketën luksoze, ndonëse nga të dyja palët do të ketë mungesa të shumta. Trajnerët Ventura e Loew kanë lënë pushim disa lojtarë, përveç mungesave të detyruara për shkak të dëmtimeve, siç është rasti me Chiellini, Barzagli, Neuer, Kroos e Boateng.
Si kurrë më parë, dy skuadrat takohen për herë të tretë gjatë këtij viti, pas miqësores së marsit në Munih dhe çerekfinales së Euro 2016.
Përveçse mbetet një klasike e futbollit evropian, ndeshja e San Siros do të tërheqë vëmendje edhe sepse do të eksperimentohet me VAR (video assistant referees). Veç asistentëve në fushë, gjyqtari kryeso, portugezi Soares Dias, do të ketë edhe dy të tjerë para monitorit, të cilët do ta ndihmojnë për rastet e pamundura për syrin e njeriut.
Formacionet e mundshme:
ITALIA: Buffon; Rugani, Bonucci, Romagnoli; Darmian, Parolo, Verratti, De Sciglio; Bernardeschi, Belotti, Immobile.
GJERMANIA: Leno; Kimmich, Höwedes, Hummels, Gerhardt; Weigl, Rudy; Müller, Goretzka, Gnabry; Götze.
d.i.
Sot Itali-Gjermani, ndeshje eksperimentesh nga trajnerët dhe gjyqtarët
