Si sot tre vite më parë, në 24 shkurt 2022, Rusia nisi pushtimin në shkallë të plotë të Ukrainës, çka shënoi edhe nisjen e një beteje të gjatë e të lodhshme.
Por pushtimi rus nuk kishte suksesin që priste, pasi Kievi nuk ra brenda 48 orëve siç premtoi Presidenti Vladimir Putin, por as pas 3 viteve.
Forcat ruse bombarduan kryeqytetin ukrainas me avionë e dronë, por nuk arritën të nënshtronin vullnetin e hekurt të vendasve për të mbrojtur me çdo kusht atdheun e tyre.
Tashmë, pjesa më e madhe e luftimeve është zhvendosur në lindje pas avancimeve të dështuara ruse në Ukrainën qendrore. Ukrainasit po fokusohen në rimarrjen e disa zonave kyçe më afër kufirit rus, teksa Moska po mban nën kontroll rreth 1/5 e fqinjit të saj perëndimor.
Lufta në ukrainë ka sjellë vdekjen e mijëra ushtarëve dhe civilëve. Përllogaritet që në radhët e rusëve të kenë humbur jetën mbi 500 mijë ushtarë.
Kohët e fundit, me ardhjen në pushtet të Presidentit Donald Trump në SHBA, po flitet për një marrëveshje të mundshme paqeje, të cilën ai e ka premtuar shpesh edhe gjatë fushatës elektorale.
Por gjithësesi palët duken shumë të ndara në pretendimet e tyre dhe është ende herët të flitet për diçka konkrete.
