Lulzim Basha ka shpërndarë një mesazh të veçantë në 27 vjetorin e themelimit të Partisë Demokratike.
“Sot 27 vite më parë lindi Partia Demokratike, forca që ndryshoi Shqipërinë dhe jetët e miliona shqiptarëve një herë e përgjithmonë, forca që i priu shembjes së diktaturës komuniste, dhe rrugëtimit tonë drejt Europës dhe zhvillimit“, shkruan kryetari i PD
Kryedemokrati i ka bërë ftesë gjithë demokratëve të mblidhen në orën 18:00 në Pallatin e Kongreseve.
“Me respekt dhe mirënjohje të thellë për themeluesit, për qëndrestarët dhe për të gjithë mbështetësit, militantët dhe anëtarët e Partisë Demokratike ju ftoj sot të mblidhemi bashkë në orën 18:00 në Pallatin e Kongreseve në shenjë nderimi por edhe përgjegjësie për atë që kemi përpara: Përmbushjen e idealeve tona për liri, demokraci dhe mirëqenie për të gjithë shqiptarët“, mbyll mesazhin e tij kryetari i PD.
javanews.al/a.ç
