Facebook dhe Google janë bërë “pengesë për inovacionin” dhe kërcënim për shoqërinë, sipas miliarderit George Soros. Këto komente ai i ka bërë gjatë Forumit Ekonomik Botëror që po mbahet në Davos, transmeton Koha.net.
Ai thotë se kompanitë e rrjeteve sociale kanë ndikim në mënyrën se si njerëzit mendojnë, pa qenë ata fare të vetëdijshëm për këtë.
“Kompanitë e minierave dhe ato të naftës shfrytëzojnë mjedisin fizik, përderisa kompanitë e mediave sociale shfrytëzojnë mjedisin social.
Kjo është e tmerrshme pasi kompanitë e mediave sociale ndikojnë në mënyrën se si njerëzit mendojnë dhe sillen pa qenë fare të vetëdijshëm për këtë. Kjo ka pasoja negative në funksionimin e demokracisë, veçanërisht në integritetin e zgjedhjeve”, ka thënë ai, raporton The Guardian. (b.an)
