Ambasadori i BE në Shqipëri, Luigi Soreca u ka bërë sërish thirrje palëve politike që të ulen në dialog dhe të diskutojnë për mundësinë e zgjidhjes së krizës aktuale politike.
Soreca u ka kujtuar se 91% e shqiptarëve duan që Shqipëria të futet në BE, dhe ky është treguesi kryesor se përse partitë politike duhet të futen menjëherë në dialog, dhe të shpresojnë që në tetor të hapet drita jeshile drejt BE.
“Çelja e negociatave nuk do të jetë fundi i fillimit, por fillimi i një procesi që shpresojë që në tetor të çojë në dhënien e dritës jeshile.
U kemi kërkuar palëve politike të futën ne dialog që në nisje të kësaj krize. Dialogu duhet të fillojë nga një pikë shumë specifike, dhe kjo pikë është reforma zgjedhore.
Mendoj se është shume e rëndësishme dhe e nevojshme.
Palët politike duhet të kuptojnë se 91% e shqiptarëve që duan të bëhen pjesë e BE, që do të thotë se të gjithë palët duhet të dialogojnë”, u shpreh ai.
Shqipëria është në pritje të vendimit për hapjen e negociatave në mes të tetorit. Për Sorecën tani është momenti që vendet anëtare të BE-së të thonë ‘PO’.
Duke komentuar takimin e kryeministrit shqiptar Edi Rama në Berlin, ai tha se është i bindur se kancelarja do të japë një motivim shtesë për institucionet shqiptare, që është çelja e negociatave.
Sot ambasadori i BE-së firmosi marrëveshjen financiare IPA 2018 me qeverinë shqiptare duke akorduar 94 milionë euro që do të investohen në disa fusha, teksa kryesorja dhe ku do të shkojë pjesa më e madhe është drejtësia dhe institucionet e reja që po ngrihen.
“94 mln euro që i akordohen Shqipërisë për luftën kundër korrupsionit, krimit dhe reformën në drejtësi.Reforma në drejtësi dhe lufta kundër korrupsionit janë përparësi”, tha ai.
g.kosovari
