Ambasadori i BE, Luigi Soreca ditën e sotme i ka prezantuar kreut të opozitës, Lulzim Basha progres-raportin e Komisionit europian me rekomandimin pozitiv për Shqipërinë.
Soreca me anë të një reagimi në rrjetet sociale ka thënë se është shumë i lumtur që ka takuar kreun e opozitës Lulzim Basha dhe që i ka dorëzuar atij raportin që sugjeronte hapjen e negociatave pa kushte për Shqipërinë.
“Shumë i kënaqur që takova Kryetarin e Partisë Demokratike, Lulzim Basha dhe t’i paraqes atij raportin vjetor, në të cilin rekomandohet të hapë negociatat e pranimit të shqipërisë pa kushte. Integrimi në BE është prioritet kombëtar i përbashkët nga të gjitha anët politike.” ka shkruar Soreca.
Nga ana e tij, Lulzim Basha prej ditësh shprehet i bindur se negociatat nuk do të hapen.
/a.r
