Sot Komisioneri për Zgjerimin e BE, Olivér Várhelyi tha se Gjykata Kushtetuese tërësisht funksionale është kusht për mbajtjen e konferencës së parë ndërqeveritare Shqipëri-BE, që shënon edhe hapjen zyrtare të negociatave për anëtarësim në Union.
Kjo ka sjellë edhe reagimin e ambasadorit të Bashkimit Europian në Shqipëri, Luigi Soreca, i cili po ashtu ka kujtuar se ngritja e Gjykatës Kushtetuese dhe zbatimi i Reformës Zgjedhore janë kusht për përmbushjen e kushteve të vendosura nga Këshilli i Europës në procesin e integrimit.
“Disa punë akoma përpara, veçanërisht në lidhje me funksionalitetin e Gjykatës Kushtetuese dhe zbatimin e reformës zgjedhore, por Shqipëria është tani afër përmbushjes së kushteve të vendosura nga Këshilli i Europës në funksion të konferencës së parë ndërqeveritare”, shkruan Soreca.
