Ambasadori i BE-së, Luigi Soreca i ka dorëzuar sot progres raportin e KE, kryetarit të Kuvendit Gramos Ruçi.
Pas takimit me kryeparlamentarin shefi i BE-së është takuar më pas edhe me kryetaren e Komisionit të Integrimit, Rudina Hajdari ku i ka dorëzuar edhe progres raportin.
Soreca, tha se ndihet i lumtur për rekomandimin pa kushte dhe se komisioni duhet të caktojë masat që do merren në të ardhmen. Soreca, ndau edhe një apel ndaj Qeverisë dhe opozitës që të tejkalojnë ndasitë.
“Jemi të lumtur për rekomandimin pa kushte. Raporti i progresit të KE duhet ekzaminuar. Komisioni të caktojë masat që duhen në të ardhmen. Apel qeverisë dhe opozitës që të tejkalojnë ndasitë. Donim të vinim në Komisionin e Integrimit, pasi këtu bëhet debati. Ne i takojmë këtij komisioni. Theksoj procesin e llogaridhënies së Qeverisë në parlament, pasi kjo është demokracia. Për reformën zgjedhore kemi ekspertë në dispozicion. Parlamenti ka edhe rol për të luajtur në Reformën në Drejtesi që është e patjetërsueshme deri sa të bëhet plotësisht e zbatueshme”, tha Soreca.
g.kosovari
