“Paketa anti-KÇK, është çelësi për të hyrë në Bashkimin Europian”. Kështu deklaroi ambasadori i Bashkimit Europian në vendin tonë Luigi Soreca, gjatë konferencës për mediat lidhur me metodologjinë e re të zgjerimit.
“Anti- KÇK, çelësi për të hyrë në BE. Është arritur progres me Reformën në Drejtësi, kur të bëhet plotësisht do të përbëjë armën më të fortë kundër krimit të organizuar, presim krijimin e SPAK që ta bëjë plotësisht këtë detyrë.
Ne monitorojmë informacionin që ekziston, për të kuptuar nëse të drejtat e personave të përfshirë në këtë çëshjte, për të ankimuar vendimin janë zbatuar siç duhet. Ne presim që të ketë një shkëmbim shumë të drejtë informacioni. Ky është një ligj i rëndësishëm dhe duhet të zbatohet siç duhet”, tha Soreca.
Ai shtoi se të gjithë hapat do të monitorohen hap pas hapi, ndërsa si kusht të dytë përmendi, drejtimin e këtij operacioni.
Ambasadori deklaroi se SPAK duhet të konfirmojë të gjitha veprimet e ndërmarra nga policia dhe duhet t’ia kalojë dosjet gjykatës për të marrë më pas vendimet.
“Ne monitorojmë informacionin që ekziston për të kuptuar nëse, psh të drejtat e personave të përfshirë në këto çështje, psh të ankimuar, të respektohen të drejtat e tyre. Ky është një ligj i rëndësishëm, i cili duhet të vihet në zbatim në përputhje me të gjitha kriteret e sundimit të ligjit dhe shtetit të së drejtës”, tha Soreca.
g.kosovari
