Kompania italiane IPR Marketing demonstron të dhënat e para të sondazhit për tre qytetet kryesore në vend. Tirana, Durrësi dhe Shkodra janë tre bashkitë që do të testohen të parat.
Është hera e tretë që kjo kompani bën një sondazh të ngjashëm në Shqipëri (Në vitet 2009, 2013 dhe 2015).
IPR Marketing do të zhvillojë 3 sondazhe deri më 21 qershor me marsh gabimi +-3%. Ditën e zgjedhjeve do të ketë edhe një Exit Poll. Sondazhi do të bëhet me 1 mijë telefonata për çdo bashki.
Pritet që rezultatet të shpallen në emisionin “Tonight” të gazetares Ilva Tare duke nisur nga sonte me një panel analistësh.
