Mbrëmjen e sotme Hëna do të jetë më e shndritshmja dhe më e errëta gjatë vitit. Por nëse do të shihni qiellin, duhet të siguroheni që është koha e duhur për ta parë, pasi i gjithë procesi do të zgjasë për 71 minuta.
Të dy ngjarjet do të ndodhin mesnatën e 27 shtatorit dhe mëngjes herët të 28 shtatorit. Pjesën e parë të natës, Superhëna do të zgjasë gjithë mbrëmjen. Do të shihni një Hënë të plotë dhe të shndritshme.
Por më pas Hëna e shndritshme do të zhytet në një errësirë, teksa do të nisë dhe eklipsi hënor. Kur Toka lëviz mes Diellit dhe Hënës, krijon errësirë në këtë të fundit, dhe më pas, kur drita e Diellit shndrrin përreth Tokës, Hëna kthehet në ngjyrë të kuqe gjaku, prej nga ka marrë edhe emrin “Hëna e përgjakur”. Të dyja ngjarjet nuk kishin ndodhur në të njëjtën ditë prej 30 vjetësh.
“Ky është një kombinim çfarë nuk është parë që nga viti 1982 dhe s’do të përsëritet deri në vitin 2033. Super-Hëna” ndodh kur Hëna e plotë, ose Hëna e re, gjenden në pikën më të afërt me Tokën. Megjithëse sërish bëhet fjalë për një largësi prej 350 mijë kilometra, Hëna do të duket më e madhe dhe më e ndritshme se zakonisht.” njoftoi NASA
Është hëna e përgjakur e cila ka bërë disa njerëz të mendojnë se është fundi i botës, pasi këtë fundjavë shënohet edhe pjesa e katërt e eklipsit hënor.
Hëna do të nisë eklipsin e pjesshëm në orën 01:07(me orën tonë), dhe do të bëhet total nga ora 02:11 deri në 03:23. I gjithë procesi i eklipsit do të përfundojë më 05:27.
