Mesa duket, Agon Channel do të vijojë me transmetimin e produksioneve të tij në një media maqedonase, kjo pas mbylljes së televizionit më 10 tetor për shkak të mospagimit të energjisë elektrike, çka bëri që OSHEE ti shkëpuste dritat medias televizive.
Njëra ndër drejtueset e Agon Channel, gazetarja Sonila Meço ka shkruar në rrjetin e saj social se produksionet e këtij televizioni do të transmetohen në Maqedoni.
“Histori qe kane prekur jeten tone, sepse diku te ngjashme, diku te paimagjinueshme kane perkufizuar menyren se si te suksesshmit ia kane dale. Kontrata e Agon Channel me programet me te klikuara te dy sezoneve tashme cdo te hene ne oren 21.00 ne Tv Art Maqedoni.
Bota eshte nje fshat, televizioni nje bote…”, shkruan ajo.
Televizioni Agon Channel u hap para dy vitesh e gjysëm nga manjati italian Francesco Becchetti i cili u akuzua në qershor të këtij viti si personi i përgjegjshëm për kryerjen e një skeme të madhe pastrimi parash dhe mospagimi të taksave.
