Entuziazmi për anëtarësimin në Bashkimin Evropian nga Ballkani Perëndimor është në rënie, ndërsa pothuajse gjysma e qytetarëve të rajonit duan të largohen nga vendet e tyre të origjinës.
Kjo është panorama që ofron Barometri i fundit Ballkanik i publikuar nga Këshilli i Bashkëpunimit Rajonal.
Sondazhi i kryer midis 6 mijë njerëzve në rajon zbulon se mbështetja për anëtarësimin në BE ka rënë në 59%, një rënie prej 3% nga viti i kaluar.
Shqipëria është ende entuziaste për anëtarësimit në BE. 92% e të anketuarve shprehin dëshirën për t’u anëtarësuar, por nuk shihet i njëjti entuziazëm në Kosovë dhe Mal të Zi, ku respektivisht 66% dhe 60% e popullsisë së tyre synojnë anëtarësimin në BE.
Serbia shfaq nivelin më të ulët të mbështetjes, me vetëm 34% të të anketuarve që aspirojnë të anëtarësohen në BE.
Sondazhi nxjerr në pah gjithashtu një tendencë shqetësuese të shpopullimit në rajon, ku 44% e të anketuarve mendojnë të jetojnë jashtë vendit.
Kjo shifër është rritur me 5% krahasuar me një vit më parë.
Sidoqoftë, jo gjithçka është e zymtë. 1 në 5 të anketuar e lidh Ballkanin me shpresën ose bashkëpunimin, duke sugjeruar një gatishmëri për të punuar së bashku për të adresuar sfidat me të cilat përballen.
Shqiptarët ishin po aq optimistë kur u pyetën për bashkëpunimin rajonal, ku 83% shprehën pikëpamje pozitive./m.j
