27.8% e shqiptarëve që kanë bërë pushime këtë verë kanë shpenzuar vetëm 50.000 deri në 75.000 lekë për person për të pushuar. 23.4% e të anketuarve kanë bërë pushime me vetëm 26.000 deri në 50.000 lekë.
Ndërkohë që 7.3% e tyre kanë pushuar me më pak se 25.000 lekë. 11.1% e pushuesve këtë verë kanë shpenzuar 76.000 deri në 100.000 lekë. Ndërsa kjo shifër zvogëlohet kur shpenzimet rriten ku 6.3% e të anketuarve kanë shpenzuar 110.000 deri në 150.000 lekë dhe 7.6% prej tyre kanë shpenzuar më shumë se 150.000 leke. Dhe kur vjen puna tek shpenzimet 16.5% e të anketuarve kanë preferuar të mos përgjigjen.
Të pyetur nga Barometri në Euronews Albania, 76.7% e qytetarëve kanë zgjedhur vendin tonë për të pushuar dhe vetëm 22.2% e tyre kanë udhëtuar jashtë vendit për pushime këtë verë.
Për sa i përket akomodimit, 71.7% e shqiptarëve që kanë pushuar këtë verë kanë zgjedhur apartamentet dhe dhomat me qira për të pushuar. Vetëm 15.6% e tyre kanë zgjedhur të akomodohen në hotele, një shifër aspak premtuese për sektorin e hotelerisë. Ndërsa 7.8% e të anketuarve janë akomoduar në shtëpitë e tyre.
Gjetjet janë të Barometrit në Euronews Albania, realizuar gjatë periudhën 9-21 shtator 2022, kryer nga MRB dhe Data Centrum, në nivel kombëtar me 1000 intervista ballë për ballë.
/s.f
