Në kuadrin e projektit “Monitorimi i opinionit publik në qarkun Tiranë (krahsuar me qarqet e tjera) mbi rolin e policisë në jetën e përditshme të komunitetit”, të financuar nga Programi Suedez për Forcimin e Policimit në Komunitet në Shqipëri (SCPA), AGENDA Institute zhvilloi sondazhin e rradhës, në serinë e sondazheve periodike të parashikuara në këtë projekt. Sondazhi u realizua teknikisht nga statisticieni Eduard Zaloshnja, PhD. Metodologjia dhe gjetjet e këtij sondazhi janë përgjegjësi e autorit.
Dy nga gjetjet më kryesore të sondazhit janë:
- Në muajin tetor ka patur një stabilitet të opinionit pozitiv të banorëve të qarkut Tiranë (16 vjeç e sipër), për punën e policisë së qarkut të tyre (është në nivelin 58%). Nga ana tjetër, ka patur një rritje të opinionit negativ (ka shkuar në nivelin 32%). Rezultate të ndryshme vërehen në rang republike; ka një rënie domethënëse statistikisht të opinionit pozitiv për policitë e qarqeve, duke zbritur në nivelin 52%, ndërkohë që opinioni negativ ka mbetur stabël
- Rreth 71% e banorëve të qarkut Tiranë (16 vjeç e sipër) mendojnë se puna e policisë ndikon në parandalimin e shkeljeve të kodit rrugor. Vetëm çereku i banorëve të qarkut Tiranë mendojnë se puna e policisë rrugore nuk ndikon. Rezultate të ngjashme vërehen në pjesën tjetër të vendit
Rezultatet e plota të sondazhit dhe informacionin metodologjik mbi të mund t’i gjeni në dokumentin bashkëngjitur.
AGENDA INSTITUTE / E.Zaloshnja
