Një sondazh i fundit nga Organizata Hulumtuese e Shoqërisë Britanike, ka publikuar rezultatet e sondazhit të realizuar, me temën se a duan Britanikët të dalin nga BE-ja. Sipas këtij sondazhi 55% e popullsisë Britanike tani më dëshirojnë të qëndrojnë brenda BE-së, dhe se shumë persona kanë ndryshuar mendje dhe nuk e kanë menduar se një dalje nga BE-ja do të shkaktonte një krizë të tillë. Këto gjetje kanë bërë që edhe deputeti i parlamentit Britanik, John Curtice, të paralajmërojë deputetët e tjerë sa i përket BREXIT-it.
“Ne duhet të debatojmë nëse me të vërtetë dëshirojmë të qëndrojmë apo të dalim nga BE-ja, dhe se duhet të diskutojmë se a është vullneti i popullit rezultati I referendumit të vitit 2016.” tha Curtice.
Rezultatet kanë dalë nga hulumtimi përmes anketave, të cilat janë zhvilluar nga 24 Janari deri më 17 Shkurt. Sipas rezultatit, 79% e personave që kanë votuar për të dalin në vitin 2016, nuk kanë ndryshuar mendje dhe do të votonin njësoj përsëri. Tani 21% ose kanë ndryshuar mendje ose mendojnë se procesi i BREXIT-it ka dëmtuar vendin e tyre.
Tendencë tjetër që tregon se rezultati mund të ndryshojë po të mbahej një tjetër referendum, është fakti që shumica e personave që nuk kanë votuar në referendumin e vitit 2016, thanë se janë penduar pse nuk kanë votuar për të mbetur brenda bllokut. 56% e personave që nuk kanë votuar në vitin 2016, tani do të votonin për të qëndruar.
Sipas këtyre rezultateve, nëse një referendum do të mbahej sot rezultati do të ishte 55-45 në favor për të mbetur brenda BE-së. Në vitin 2016, Britania e mbajti referendumin për largim ose jo nga BE-ja, dhe rezultati ishte 52-48 në favor të daljes.
/a.meta
