Nga Eduard Zaloshnja
Duke marë shkas nga debatet në distancë mes Ramës e Bashës për reagimin e derisotëm shqiptar ndaj epidemisë COVID-19 (njohur gjerësisht me emrin e përgjithshëm koronavirus), përfshiva një pyetje në sondazhin periodik që zhvilloj për revistën Follow Business Albania – konkretisht, “A mendoni se situata e epidemisë së koronavirusit mund të përballohet më mirë me Ramën kryeministër apo me Bashën kryeministër?”
Dhe ja si u përgjigjën ata të anketuar që kanë gjasa të marrin pjesë në zgjedhjet e rradhës: Treçereku anojnë nga, ose besojnë tek përballimi i epidemisë me Ramën kryeministër, e jo me Bashën. (Tabela 1).
Tabela 1. A mendoni se situata e epidemisë së koronavirusit mund të përballohet më mirë me Ramën kryeministër apo me Bashën kryeministër?
| Me Ramën kryeministër | 75% | 45% |
| Ndoshta me Ramën | 30% | |
| Me Bashën kryeministër | 25% | 9% |
| Ndoshta me Bashën | 16% |
Ndërsa për pyetjen pyetjen “A mendoni se reagimi i qeverisë Rama ndaj epidemisë së koronavirusit ka qenë i mjaftueshëm?”, mbi 2/3 anojnë nga, ose besojnë tek po-ja (Tabela 2).
Tabela 2. A mendoni se reagimi i qeverisë Rama ndaj epidemisë së koronavirusit ka qenë i mjaftueshëm?
| 1.Po | 69% | 39% |
| 2.Ndoshta po | 30% | |
| 3.Ndoshta jo | 31% | 10% |
| 4.Jo | 21% |
Sidoqoftë kur vjen puna tek vota, vetëm 58% e atyre që janë gati të votojnë sot (nëse zhvillohen zgjedhje parlamentare), do t’ia jepnin votën PS-së.
