“Sondazhi në tre qytetet është kryer midis të enjtes deri mbrëmë në darkë. Metodologjia është e njëjta me atë që kemi përdorur vitet e mëparshme. Është një kampion për çdo qytet, prej 1000 zgjedhësish që janë ndarë sipas gjinisë, moshës dhe vendbanimit. Sigurisht kësaj radhe kemi mbajtur parasysh dhe faktin që ka ndryshuar dhe ligji , janë futur më shumë komuna. Kur flasim për Tiranën, Durrësin dhe Shkodrën, sondazhi është bërë në të gjithë ish-Komunat që sot bëjnë pjesë në Tiranë. Është sondazh përfaqësues jo vetëm sa i përket popullësisë, por dhe zonave territoriale. Kemi mbajtur parasysh ligjin e ri” – kështu është shprehur mbrëmjen e sotme për emisionin “Tonight nga Ilva Tare”, drejtori i kompanisë IPR Marketing.
Sipas IPR, votat për këshilltarë do të jenë sërish të djathta ku koalicioni i djathtë merr 55% të votave dhe koalicioni i majtë, 43.5%. Por 23 përqind ende nuk është i vendosur nëse do të votojë Voltana Ademin apo Keti Bazhdarin.
Në Bashkinë e Tiranës janë pyetur 1007 persona, në Durrës 1001 dhe në Shkodër janë pyetur 1003 persona.
Sondazhi i IPR është zhvilluar nga data 7 deri më 11 maj dhe marzhi i gabimit të tij është +/- 3.2%.
Rezultatet e këtij sondazhi u diskutuan nga paneli i analiztëve Anila Basha, Afrim Krasniqi, Lorenc Vangjeli dhe Blendi Çeka.
