Kompania italiane IPR-Marketing ka zhvilluar sondazhe në Shqipëri për televizionin Ora News në vitet 2009 e 2013, para zgjedhjeve dhe ditën e zgjedhjeve. Në 2009-ën, rezultatet e zgjedhjeve u përputhën saktësisht me rezultatet e sondazheve, dhe në 2013-ën, pothuajse u përputhën saktësisht në nivel koalicioni. Të mërkurën IPR-Marketing prezantoi në televizionin Ora News rezultatet e para të sondazheve për tri bashki të zgjeruara kryesore – per Tiranën, Durrësin, Shkodrën – në të cilat u regjistruan parvjet 30% e të gjithë votave të vlefshme.
Sipas IPR-Marketing, në qoftë se zhvillohen sot zgjedhjet në bashkinë e zgjeruar të Tiranës, koalicioni mazhoritar merr 60% të votave per partite, ndersa koalicioni opozitar vetem 35.5% (4.5% shkojnë për partitë jashtë koalicioneve).
Në bashkinë e zgjeruar të Durrësit, koalicioni mazhoritar merr 57% të votave per partite, ndërsa ai opozitar vetëm 41.5% (1.5% shkojnë për partitë jashtë koalicioneve).
Në bashkinë e zgjeruar Shkodër, koalicioni mazhoritar merr 43.5% të votave dhe koalicioni opozitar merr 55% të votave(1.5% shkojnë për partitë jashtë koalicioneve).
Duke i kombinuar përqindjet e mësipërme me pjesmarrjen e mundshme (bazuar në pjesmarrjen në zgjedhjet lokale të 2011-ës) për të tria bashkitë e zgjeruara, rezulton se, në qoftë se zgjedhjet zhvillohen sot, 57% e pjesëmarrësve në votim të këtyre bashkive do të votonin koalicionin mazhoritar dhe 39% atë opozitar (4% shkojnë për partitë jashtë koalicioneve).
Po t’i ekstrapolojmë këto shifra për pjesën tjetër të vendit, rezulton se, në qoftë se zgjedhjet zhvillohen sot, rreth 870 mijë pjesëmarrës në votim në rang vendi do të votonin koalicionin mazhoritar dhe rreth 600 mijë atë opozitar (rreth 50 mijë shkojnë për partitë jashtë koalicioneve).
Mbetet të shihet se si do të ndryshojnë këto shifra në dy sondazhet e ardhshme të IPR-Marketing dhe, ç’është më e rëndësishme, në ditën e votimit.
Shënim referencial: Koalicioni që udhëhoqi Berisha në 23 qershor 2013, mori 680 mijë vota, ndërsa koalicioni që udhëhoqi Rama-Meta mori 1 milion vota.
Respublica
