“ABC News”, në bashkëpunim me kompaninë prestigjioze italiane të sondimit, Angi Ricerche, ka publikuar këtë të hënë në emisionin “Real Story”, sondazhin e dytë për zgjedhjet e 11 majit.
Në sondazhin e dytë janë pyetur mbi 8400 qytetarë dhe gjithashtu janë bërë edhe pyetje shtesë. Në sondazh janë përfshirë Elbasani dhe Fieri.
Një nga pyetjet që i janë përgjigjur qytetarët, është vlerësimi që kanë për Edi Ramën si kryeministër.
53.6 përqind e të pyeturve, e vlerësojnë Edi Ramën si kryeministër. Ky vlerësim, është rritur me 0.5 përqind krahasuar me sondazhin e parë.
