Me Lëvizjen e Dhjetorit, tre ishin figurat që spikatën në themelimin e Partisë Demokratike. Në sondazhin e kësaj të hëne në ABC News, Zaloshnja iu drejtua shqiptarëve me pyetjen, Kë do të kishit dëshiruar ta drejtonte atë pas themelimit? Pjesë e sondazhit për këtë pyetje janë të anketuarit që nuk votuan më 11 maj ose që votuan për partitë opozitare.
Nga përpunimi i të dhënave, rezulton se vetëm 28.6 % e tyre janë shprehur për Sali Berishën, 13.7 % për Azem Hajdarin, ndërsa në shumicë 50.7 % e të anketuarëve do të dëshironin që PD të drejtohej nga Gramoz Pashko. 7 % mbeten të dyzuar.
Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë.
Pyetësori u plotësua elektronikisht në mënyrë krejt anonime nga të anketuarit. Maksimumi i marzhit të gabimit statistikor: +/- 2.7%.
