Në periudhën janar-gusht 2016, Qendra Kombëtare e Biznesit realizoi një sondazh nëpërmjet portalit të saj qkb.gov.al, në lidhje me funksionimin e regjistrit tregtar. Sondazhi pati në qendër të vëmendjes opinionin mbi shërbimet që ofrohen si dhe informacionin që marrin bizneset dhe qytetarët.
QKB thotë se të dhënat e dala nga ky sondazh, tregojnë qartë, performancën në rritje të shërbimeve ndaj biznesit. 38% e të intervistuarëve shprehen shumë të kënaqur dhe që kanë marrë një përgjigje të shpejtë ( brenda ditës) për aplikimin që kanë berë.
20% e të intervistuarëve kanë marrë përgjigje brenda 24 oreve. 42% e te intervistuareve kanë marrë përgjigje sipas afatit kohor të përcaktuar sipas aplikimit që kanë kryer ( cregjistrim). 68% e të intervistuarëve i vlerësojnë shërbimet e QKB në nivel shumë të kënaqshëm dhe shprehen se informacioni që ata marrin është i shpejtë (duke i kursyer vonesa, apo humbje kohe të pajustifikuara e të kota), i saktë dhe i besueshëm.
33% e të intervistuarëve shprehen se e vizitojnë faqen e web për të kontrolluar statusin ( gjëndjen ) e aplikimit që kanë kryer pranë sporteleve të QKB ndërsa 22% e tyre e vizitojne faqen e web për të parë informacionet më të fundit.
54% e të intervistuarëve janë shumë të kënaqur me shërbimin ndaj klientit ( sjellja, komunikimi, etika, serioziteti ) nga personeli i QKB./a.m.
