Report TV në bashkëpunim me Institutin Italian GPF Inspiring Research, sjell sondazhin e dytë mbi situatën politike në vend dhe pritshmërinë për zgjedhjet vendore të qershorit. Si janë përgjigjur shqiptarët për ofertën e kryeministrit Rama bërë opozitës për reformën zgjedhore dhe zgjedhjet e 30 qershorit? Çfarë mendojnë shqiptarët për strategjinë e opozitës për të vazhduar protestat? Si do të votonin sot shqiptarët për zgjedhjet vendore dhe cila do të ishte vota e tyre nëse do të duhej të shkohej në zgjedhje të parakoshme?
Shumica e shqiptarëve kundër strategjisë së opozitës me protesta (Sondazhi)
45.3% e shqiptarëve nuk e mbështesin absolutisht aksionin e opozitës me protesta në shesh. 17.2% mendojnë se opozita po humbet efikasitetin me këtë strategji, duke e cuar keshtu ne 62% numrin e atyre qe jane kunder.
Ndersa Vetëm 29.6% e mbështesin opozitën dhe 5.6% kërkojnë që protestat të jenë më të dhunshme për të qenë më efikase.
Një numër i konsiderueshëm kandidatësh nga listat e PD-së dhe LSI-së kanë pranuar që të futen në Kuvend, pasi deputetët e opozitës së vjetër dogjën mandatet. Por a janë këta deputetë të rinj legjitim për të përfaqësuar opozitën? Nga sondazhi ka rezultuar se 38% kanë votuar ‘PO’, 36.2% ‘JO’. Për 21.7% deputetët e rinj ligjërisht janë legjitim, por politikisht gabojnë, ndërsa 4.1% nuk janë përgjigjur.
A është opozita e re në Kuvend legjitime? Si votojnë shqiptarët (Sondazhi)
Pyetja e parë për shqiptarët në sondazh ka qenë si e gjykojnë gjendjen përgjithshme aktuale të Shqipërisë? 21.2% e vlerësojnë si pozitive, 51.1% negative, 26.4% normale dhe 1.3% janë përgjigjur nuk e di. Krahasuar me një muaj më parë ka një ulje të atyre që gjendjen e shikojnë si negative, pasi në sondazhin e parë ishin 55.3% që e shikonin si negative, ndërsa sot 51.1% negative.
Pyetja e dyte ka qene:
Kryeministri Edi Rama i ka propozuar opozitës të realizojnë së bashku reformën elektorale për të dhënë kështu të gjitha garancitë legjislative, sipas teje opozita duhet të pranojë këtë propozim?
Kësaj pyetje shqiptarët i janë përgjigjur 44% absolutisht PO.
g.kosovari
